DeportesPiraguismoÚltima hora

O Fluvial Barco, terceiro por equipos na regata provincial de Castrelo de Miño

Publicidade
Podio da regata provincial de Castrelo de Miño./ Foto: Fegapi.

 

Cun total de 1.090 puntos, o Club Fluvial Barco conseguía a terceira posición na III Regata da Copa Deputación de Piragüismo que se desenvolvía este sábado en Castrelo de Miño. O podio estaba dominado polo Fluvial Avión Castrelo de Miño que lograba 3.281 puntos, mentre que o Fluvial Allariz proclamábase subcampión ao colleitar 1.545 puntos.

Nesta competición tamén participaban outros dous clubs: a Escola Municipal Ourensá de Piragüismo, cunha cuarta posición, e o Club Piragüismo S.C.D. Fontefría.

Á proba asistían 140 deportistas (80 homes e 60 mulleres) de todos os clubs da provincia. Esta inicialmente prevista para o pasado domingo, pero foi aprazada en sinal de respecto polo ahogamiento dun bañista a noite anterior no encoro de Castrelo.

Esta regata foi organizada pola Federación Galega de Piragüismo (FEGAPI) e o club piragüismo Fluvial Avión-Castrelo de Miño coa colaboración do Concello de Castrelo de Miño e co patrocinio da Deputación de Ourense e a Secretaria Xeral para ou Deporte da Xunta de Galicia. Celebrouse no parque náutico do encoro de Castrelo de Miño, cun percorrido de 1.000 m para pre- benxamíns, benxamíns e alevíns, 2.000 m para infantís e 4.000 m para os cadetes, en embarcacións individuais.

Fonte: Federación Galega de Piragüismo.

 

 

Artigos relacionados

Back to top button