A localidade de Cobres (Vilaboa, Pontevedra) acollerá na fin de semana do 7 e 8 de xullo o II Encontro de Entroidos. Nel participarán oito manifestacións carnavalescas, algunhas galegas, pero tamén chegadas doutros puntos da península. A representación ourensá correrá a cargo do Folión e os Boteiros de Viana do Bolo, así como das Bonitas de Sande.
Tamén participarán o Entroido de Samede (A Coruña), os Sidros e comedies de Val de Soto (Asturias), os Merdeiros de Vigo, o Antruido en la Paré de Piasca (Cantabria) e, por suposto, os anfitrións: o Entroido de Cobres e os Veteranos/as de Cobres (Vilaboa).