En portadaÚltima hora

O folión de Viana do Bolo, única representación galega no X Festival da Máscara de Zamora

O acto central será un desfile con 25 mascaradas que percorrerá o centro desta cidade ás 18h. do vindeiro 29 de setembro
Un dos Boteiros do Folión de Viana do Bolo, nunha edición anterior do Festival da Máscara de Zamora./ Foto: Carlos G. Hervella.

Unhas 25 mascaradas procedentes de diferentes puntos de España e do norte de Portugal daranse cita o vindeiro 29 de setembro en Zamora no marco do X Festival da Máscara, que promove a Deputación de Zamora a través do seu Patronato de Turismo.

A única tradición galega que estará presente nesta edición do encontro será o Entroido de Viana do Bolo. Así no desfile que sairá en torno ás 18h. dende a praza da Marina de Zamora poderá verse aos Boteiros e ao folión deste concello ourensán. Ademais haberá doce grupos da provincia de Zamora (o Carnaval do Touro de Morales de Valverde, o Zangarrón de Sanzoles do Viño, o Pajarico e o Caballico de Villarino Tras la Sierra, o Zangarrón de Montamarta, o Atenazador de San Vicente de la Cabeza, a Obisparra de Pobladura de Aliste, a Filandorra de Ferreras de Arriba, os Carnavales de Villanueva de Valrojo, a Visparra de San Martín de Castañeda, a Vaca Bayona de Almeida, o Desempadrinamiento de Bercianos de Aliste e as Danzas del Paloteo de Tábara).

Será así mesmo ampla a representación lusa neste festival e virá da man de seis grupos de Bragança: os Caretos Salsas, os Caretos de Parada, os Caretos de Grijó, os Caretos de Ousilhao, os Caretos de Vila Boa de Ousilhao, xunto co Diabo, Morte e Censura de Bragança. Tamén haberá mascaradas doutras zonas españolas como Madrid, León, Asturias ou Cáceres.

O desfile, que rematará na praza Viriato en torno ás 19:30h., será un dos referentes do festival, pero o seu programa inclúe tamén outras actividades como obradoiros de máscaras e xogos de xigantes de madeira para toda a familia (ás 11h. na praza Viriato), animación mini chef con elaboración de receitas típicas de grupos de mascaradas participantes (ás 11:30h.) ou contacontos participativos ás 13h. A xornada concluirá cun concerto de música tradicional ás 20h., na mesma praza Viriato, a cargo do grupo Ringorrango.

 

Cartel da décima edición do festival.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close