O Grupo de Desenvolvemento Rural foi distinguido polo Circuíto Ribeira Sacra de carreiras populares
Os alcaldes de Sober, Luis Fernández; Bóveda, José Manuel Arias; Pantón, José Luis Álvarez; e Quiroga, Julio Álvarez asistiron, xunto co presidente do Consorcio de Turismo e o xerente do GDR Ribeira Sacra, á entrega dos Premios do Deporte Galego 2014, que se celebrou en Vilagarcía de Arousa na tarde do 9 de abril.
O GDR Ribeira Sacra foi distinguido co premio “Galicia Saudable” á entidade de carácter público, polo Circuíto Ribeira Sacra de carreiras populares.