No mediodía do 27 de novembro os membros do Grupo de Emerxencias Supramunicipal (GES) Valdeorras procedía a neutralizar con veleno o niño secundario de Vespa velutina que se tiña localizado na pasada fin de semana no lugar de Santiago en Valencia do Sil (Vilamartín). Este niño, que estaba activo no momento da intervención e tiña xa unhas grandes dimensións, será retirado nuns días.
Retirada doutro niño de velutina en Vilamartín
Ademais, na mañá do 27 de novembro, o GES Valdeorras procedía a retirada doutro niño que fora anteriormente neutralizado tamén en Vilamartín de Valdeorras. Nestas imaxes pode verse o resultado da súa actuación.
Coa caída das follas das árbores resulta máis doado avistar este tiño de niños situados en altura. No caso de localizarse, recoméndase chamar ao 012 para que se proceda a súa retirada, evitando deste xeito que as raíñas que conteñen poida ser fecundadas e, tras hibernar, creen novos niños na vindeira primavera.