Entre os medios que están a loitar contra o lume no incendio forestal que se iniciaba onte e continúa hoxe no veciño municipio de Ribas de Sil, estaban onte os bombeiros do Grupo de Emerxencias Supramunicipal (GES) de Valdeorras. Acudían á zona de Rairos, onde houbo perigo para esta poboación pola proximidade do lume ás casas, tras participar, anteriormente, nos labores de extinción do incendio de Éntoma (O Barco), iniciado na mañá de onte.
O lume de Ribas de Silcontinúa activo arestora e, segundo Medio Rural, leva xa queimadas unhas mil hectáreas.
