ConcellosEn portadaÚltima hora

O GES Valdeorras retira en Pumares o niño de velutina máis grande atopado ata agora en Valdeorras

É ademais o primeiro localizado no municipio de Carballeda de Valdeorras e estaba situado nunha árbore a 5 m de altura
Niño de Vespa velutina retirado en Pumares (Carballeda de Valdeorras), na base do GES Valdeorras.

 

Seguen retirándose niños secundarios de Vespa velutina en Valdeorras e cada vez de maior tamaño. Na xornada do 28 de novembro o Grupo de Emerxencias Supramunicipal (GES) Valdeorras procedía á retirada dun novo niño deste tipo na zona de Pumares (Carballeda), moi preto da vía do ferrocarril.

Estaba situado nunha árbore a uns 5 metros de altura e trátase do niño máis grande atopado ata o momento en Valdeorras. Mide uns 70×50 cm. Este é ademais o primeiro niño que se localiza no municipio de Carballeda de Valdeorras.

No caso de descubrir un niño de velutina, recoméndase dar aviso ao 012. A caída das follas está deixando ao descuberto nestes días este tipo de niños, antes ocultos no alto das árbores.

 

O niño secundario de velutina de Pumares na árbore na que se atopaba.

 

Este é o niño máis grande atopado ata o momento na comarca de Valdeorras, con 70×50 cm.

 

O niño tras ser retirado polo GES.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close