CulturaCulturaEducaciónGalerías de fotosÚltima hora

O grupo de teatro do IES Martaguisela do Barco enche na representación de “Metateatro”

Esta obra, interpretada por un elenco de 16 actores e actrices, poñíase en escena na tarde do 5 de xuño no Teatro Lauro Olmo

Teatro dentro do teatro e ben aderezado con humor e cunha pinga de drama no Barco. O grupo de teatro do IES Martaguisela compartía a súa última proposta cun numeroso público na tarde do 5 de xuño. Poñían en escena “Metateatro”, unha reposición da obra escrita pola profesora de Música, Marta Cortés, que xa se representara no ano 2014.

A peza relata a historia dunha rocambolesca compañía teatral que soporta as idas e vidas dun tiránico director de escena. Ademais, no decurso da representación o público ía descubrindo as diferentes relacións entre os actores e actrices.

“Metateatro” estaba interpretada no Teatro Lauro Olmo por un elenco de 16 actores e actrices, alumnos do centro: María Santos, Marta Cao, David Cao, Miguel Ortiz, Ana Briz, Ana Neira, Inés Cao, Candela Fusaro, Uxía Núñez, Óscar Navas, Marina Fernández, Antela Roo, Emily Bejarano, Zoe Ramos, Julia Barrio e Amlau Rodríguez.

Con esta iniciativa o instituto persegue, “á par que potenciar o uso do galego na escena teatral, reivindicar os valores do traballo en grupo, a lealdade, a humildade e compañeirismo”. O IES Martaguisela tamén agradece a colaboración do Concello do Barco nesta actividade.

Fotos: A.R.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close