DeportesGalerías de fotosÚltima hora

O hóckey sobre patíns volve a Valdeorras da man de APG Bierzo

En torno a 40 nenos asisten ao campus organizado polos irmáns Sariol, na Rúa

Toni Sariol fundou en 2011 o club APG, un proxecto deportivo e educativo centrado no hóckey sobre patíns que hoxe dirixen os seus fillos Carla e Álvaro (ambos cunha ampla traxectoria profesionala nivel nacional), pasando dun único equipo aos sete que teñen na actualidade con algún máis en proxección, un deles de Valdeorras, para a tempada 2019/2020.

Así o explicaba Carla Sariol no pavillón polideportivo da Rúa, onde están impartindo un campus de dúas semanas de duración (esta semana e a que vén), que xurdía precisamente coa idea de crear un equipo da comarca. “A sede do club está no Bierzo pero competimos na liga galega e o equipo desta zona contará cuns 12 nenos do Barco e da Rúa”, asegura Carla emocionada pois é coñecedora da tradición que houbo hai anos na Rúa por este deporte aínda que agora é bastante descoñecido.

 

Asistentes ao campamento de hóckey, no pavillón da Rúa.

 

Precisamente para dalo a coñecer á poboación e conseguir que se animen máis nenos (no campus hai 40 de entre 7 e 12 anos, do Bierzo, Bembibre e Valdeorras principalmente), na tarde do 28 de xuño disputaban un partido exhibición entre dous equipos formados polos propios monitores do campus. No equipo “All Stars” que finalmente levaban a vitoria xogaron Lia, Andrea, Miriam, Luis e Iratxe; e no “Toni Sariol”, Álvaro, Carla, Julia, Triana e Sara.

Despois desta primeira semana, o programa do campus que conta coa colaboración do Concello da Rua, continuará en xullo con técnicas de patín e stick pola mañá, piscina, xantar e partidos (Mundialito) pola tarde. A propia Carla explica que o bo deste deporte é que é mixto ata os 18 anos, engadindo que se trata dunha disciplina de equipo na que o 80% é patinaxe e o 20 o stick “é un deporte moi rápido no que se nota moi pronto a evolución porque aínda que é necesario saber patinar, en poucos días nótase a mellora e a soltura”, asegura, sendo ademais unha actividade que fomenta o compañeirismo.

Fotos: O SIL.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close