SanidadeÚltima hora

O horario de hemodinámica no CHUO ampliarase a 24h. os 365 días do ano

Así o anunciaba o presidente da Xunta de Galicia na visita que realizaba esta mañá a este centro hospitalario

 

Durante unha reunión cos responsables de Cardioloxía do Complexo Hospitalario Universitario de Ourense (CHUO) neste 20 de xaneiro, o presidente da Xunta de Galicia, Alberto Núñez, anunciaba a ampliación do horario de hemodinámica neste centro ás 24 horas do día e os 365 días do ano. Un servizo que estará, dixo, “plenamente operativo a partir da primeira semana de febreiro”.

Feijóo indicaba que con esta medida, “ademais de reforzarse os servizos que presta o CHUO, achegando aínda máis os servizos asistenciais aos pacientes da área de Ourense, optimízanse recursos, consolidando un modelo de asistencia en rede que ten permitido: mellorar a calidade asistencial; manter a seguridade dos procedementos; facilitar os servizos aos pacientes, evitando desprazamentos; contribuír a mellorar a formación e a docencia e a investigación”.

O presidente da Xunta tamén recordaba que nos últimos anos tense levado a cabo neste hospital un investimento de máis de 41 millóns de euros para a súa modernización, o que permitiu “concentrar todas as unidades nun único edificio, incrementar a comodidade dos pacientes e dedicar Santa María Nai á atención ambulatoria sen ingreso en exclusiva”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close