SanidadeÚltima hora

O Hospital Comarcal Valdeorras xa conta co “Carriño de Don Amable”

O responsable da EOXI de Ouense, Dionisio López, vén de asinar no Barco un convenio de colaboración e voluntariado coa AECC, promotora desta iniciativa

Despois do Complexo Hospitalario Universitario de Ourense (CHUO), o Hospital Comarcal de Valdeorras (HCV) será o segundo centro da provincia en contar co “Carriño Don Amable”. Trátase dunha iniciativa que impulsaba por vez primeira en Galicia a Asociación Española Contra o Cancro (AECC) de Ourense no 2006-2007, a proposta dunha voluntaria, e que, dende entón está tendo unha excelente acollida. Agora dase un novo paso no Barco, tras a sinatura dun convenio de colaboración e voluntariado entre o responsable da Xerencia de Xestión Integrada do Sergas en Ourense, Dionisio López Bellido, e a AECC na mañá do 10 de maio no HCV.

O “Carriño Don Amable” (que porta caramelos, infusións, cafés…) funcionará os martes e os xoves no hospital valdeorrés, que é cando hai servizo de quimioterapia, e será posible grazas á colaboración de cinco voluntarias da zona da AECC. “É unha excusa, o que queremos é chegar aos pacientes oncolóxicos, aos seus familiares, a máis pacientes, que nos coñezan más e poder abranguer e axudar a un maior número de xente. Iso xa se conseguiu en Ourense e agora pretendemos facer o mesmo no Barco”,  explicaba no acto da sinatura Belén Pérez, coordinadora de Voluntariado Hospitalario da AECC.

Pola súa banda o responsable da EOXI ourensá, o doutor López Bellido, apuntaba que “cando se pon unha semente, a pouquiño que se regue, vai medrando e, como acabas de dicir,  isto empezou en Ourense e despois foi implantándose en Coruña, Pontevedra e Lugo. Eu levo defendendo durante moito tempo que Ourense é a primeira EOXI de Galicia e estas cousas vánnolo demostrando”. Ademais agradecía a xenerosidade das voluntarias. “Queremos que sexades o noso exemplo, porque desa xenerosidade aprenderemos”, concluía.

Fotos: Carlos G. Hervella
Máis información na edición en papel do Periódico O Sil

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close