Continúa en ascenso o número de casos activos de coronavirus na Área Sanitaria de Ourense, Verín e O Barco. Nesta xornada de 27 de setembro a Consellería de Sanidade comunica un total de 728 casos activos, o que significa 39 máis que onte.
Dese total de pacientes, 56 están ingresados (5 na Unidade de Coidados Intenstivos) e 672 permanecen a seguemento a domicilio.
No que se refire ás hospitalización, o Hospital Universitario de Ourense mantén as cifras de onte con 38 pacientes en planta e 5 en UCI, mentres que o Hospital de Valdeorras rexistra 5 ingresos (2 máis que onte) e o Hospital de Verín conta con 8 (1 máis que onte).
O total de casos rexistrados na provincia elévase ata 3.421, con 2.547 curados e 146 falecementos. En total lévanse realizado ata agora na provincia un total de 57.192 probas PCR, 643 delas nas últimas 24 horas.
Os casos activos en Galicia
Segundo informa a Consellería de Sanidade, o número de casos activos de coronavirus en Galicia é de 4.432, deles 1.046 son da área da Coruña, 589 da de Lugo, os xa ctiados 728 da de Ourense, 826 da de Pontevedra, 512 da área de Vigo, 577 da de Santiago, e 154 da de Ferrol.
Do total de pacientes positivos, 33 están en UCI, 198 en unidades de hospitalización e 4.201 no domicilio. Polo de agora, en Galicia hai un total de 18.316 persoas curadas, rexistrándose 729 falecementos. O número de PCR realizadas é de 465.341.
