Quinta xornada consecutiva de descenso na curva do Covid-19 na provincia. A Área Sanitaria de Ourense, Verín e O Barco conta con 2.815 pacientes con infección activa, 59 menos que onte, segundo os últimos datos, actualizados ás 18h. do 2 de febreiro, e publicados esta mañá pola Consellería de Sanidade. Pero aumentan lixeiramente os novos casos confirmados por PCR nas últimas 24 horas, un total de 96 (fronte aos 93 de onte).
Ademais baixan na área os ingresos: 176 persoas hospitalizados en planta (8 menos que onte) e 14 na Unidade de Coidados Intensivos (1 máis que onte). No caso do Hospital Público de Valdeorras rexístrase un incremento ao pasar de 7 a 9 pacientes en planta, é dicir, dous máis que onte. No Hospital de Verín hai 13 ingresos (1 menos que onte), ademais o Hospital Universitario de Ourense ten 153 en planta (7 menos que onte) e 14 na Unidade de Coidados Intensivos (1 máis que onte). O Centro Médico El Carmen ten 1 ingreso en planta.
O total de casos rexistrados ata o de agora na provincia ascende a 13.534, con 10.358 curados e 363 falecidos. Polo de agora lévanse realizado 180.652 probas PCR e 85.394 probas serolóxicas.
