Segundo vén de informar a Consellería de Sanidade, nas últimas horas rexistráronse nos hospitais galegos cinco falecemento de persoas diagnosticadas por COVID-19. Entre eles figuran unha muller de 89 anos e un varón de 84 que estaban ingresados no Hospital de Valdeorras, no Barco.
Con eles son xa dez os pacientes con coronavirus falecidos no hospital valdeorrés.
Ademais perdían a vida un varón de 92 anos e unha muller de 62, ingresados no Complexo Hospitalario Universitario de Vigo (CHUVI), e un home de 82 anos no Complexo Hospitalario Universitario de Santiago (CHUS). “Todos con patoloxías previas”, asegura Sanidade.
