Tras varios días mantendo a cifra de 3 persoas ingresadas por coronavirus, o Hospital de Valdeorras, no Barco, rexistra un novo ingreso sendo agora 4 os pacientes hospitalizados en planta, segundo a última actualización de datos da Consellería de Sanidade.
Xusto a situación contraria dábase no Hospital de Verín. Este centro, que nos últimos días tan só tiña un paciente ingresado, queda nestes momentos libre do virus. No Hospital Universitario de Ourense hai 43 pacientes ingresados en planta e 3 en UCI (éstes últimos de prognóstico grave).
Dos 332 casos activos hoxe na Area Sanitaria Ourense, Verín e O Barco de Valdeorras, 282 permanecen a seguemento a domicilio, 47 están ingresados en planta e 3 en UCI, segundo Sanidade.
O total de casos rexistrados na provincia ascende a 1.925, con 1.467 curados e 126 falecementos (residencias e hospitais. Na provincia lévanse realizado 17.728 PCRs.
