Continúan baixando as cifras de pacientes con coronavirus ingresados na área sanitaria ourensá. Así o Hospital de Valdeorras rexistra, segundo a última actualización de datos da Consellería de Sanidade, un único ingreso en planta (1 menos que onte), mentres que o Hospital de Verín queda libre de virus e no Hospital Universitario de Ourense hai 6 pacientes en planta.
Dos 82 casos activos hoxe na Área Sanitaria de Ourense, Verín e O Barco de Valdeorras, 75 permanecen a seguemento a domicilio e 7 están ingresados en planta, segundo Sanidade.
O total de casos rexistrados na provincia ascende a 1.999, con 1.786 curados e 131 falecementos (residencias e hospitais). O total de probas PCR realizadas na provincia é de 20.188.
