Tras oito días con 2 ingresos en planta por Covid-19, o Hospital Público de Valdeorras volve estar libre de virus. Así figura nos datos publicados esta mañá pola Consellería de Sanidade (actualizados ás 18h. do 24 de maio).
Por contra, soben os datos de ingresos nos outros dous hospitais públicos da provincia. Así o Hospital de Verín, ata agora libre de virus, rexistra 1 ingreso en planta, mentres o Complexo Hospitalario Universitario de Ourense, que onte tiña 9 ingresos (4 deles na UCI e o resto en planta), rexistra 12 (5 deles na UCI e 7 en planta), segundo a última actualización de datos de Sanidade.
