SanidadeÚltima hora

O hospital valdeorrés estrea consulta de educación diabética

Está atendida por unha enfermeira formada en endocrinoloxía e educación diabetolóxica

hcv

Buscando mellorar a formación dos pacientes diabéticos o Hospital Comarcal de Valdeorras vén de abrir unha nova consulta de Educación Diabetolóxica. A través dela preténdese ofertaro información individualizada e de grupo sobre autocoidados, tratamentos, controis de glucemia, alimentación e prevención dos factores de risco de complicacións derivadas desta enfermidade crónica.

A nova consulta, que está atendida por unha enfermeira formada en endocrinoloxía e educación diabetolóxica, “vén a complementar as consultas de Endocrinoloxía, que desde hai uns anos se ofertan directamente no centro barquense, polo que desde agora os pacientes valdeorreses tampouco terán que desprazarse a Ourense para recibir formación”, segundo se informa dende a Xerencia de Xestión Integrada de Ourense, Verín e O Barco.

Tamén se incide na importancia de formar axeitadamente na formación dos enfermos de diabete, “xa que súa implicación no control da súa enfermidade, seu autocoidado, é parte esencial no mantemento da súa saúde, especialmente, tendo en conta que a diabete é unha enfermidade crónica, que conleva toda unha serie de modificacións na vida cotiá dos pacientes, derivados da periodicidade dos tratamentos, utilicen ou non insulina, cambios na alimentación e hábitos de vida, por todo elo, é clave que entendan a enfermidade e saiban como tratala”, sinálase dende o Sergas.

En xeral, a nova consulta do Hospital Comarcal Valdeorras tentará involucrar aos pacientes nos seus coidados e favorecer súa autonomía mediante o autocontrol, así como promover hábitos saudables como a dieta, control do peso e exercicio físico.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close