Entre os 16 restaurantes que participaban neste 22 de decembro na XIX Feira de Nadal do Galo de Curral de Vila de Cruces (Pontevedra) figuraba nesta edición o Hostal La Viuda da Pobra de Trives, da man de Ángel Fernández. A degustación que ofrecían era unha das propostas incluídas no programa do certame que tamen incluía outras actividades como o Galo Chef Infantil.
O vicepresidente e conselleiro de Presidencia, Administracións Públicas e Xustiza, Alfonso Rueda, e o conselleiro do Medio Rural, José González, participaron tamén nesta feira, onde destacaron a importancia de fomentar a produción agrogandeira de calidade para xerar crecemento económico e maiores rendas no rural galego. Tamén asistiron o director xeral de Gandaría, Agricultura e Industrias Agroalimentarias, José Balseiros, o secretario xeral de Política Lingüística, Valentín García e o delegado territorial da Xunta en Pontevedra, José Manuel Cores Tourís.