O IES Carlos Casares de Viana recibe a Placa Universal da Paz e a non Violencia

Unha acción conxunta co Centro Cultural e Educativo Español Reyes Católicos de Bogotá (Colombia) levouno a conseguir o recoñecemento

Obradoiro de mediación escolar en Venta de Cajibío (Colombia), realizado en setembro de 2017.

O IES Carlos Casares de Viana do Bolo e o Centro Cultural e Educativo Español Reyes Católicos de Bogotá (dependente da Embaixada de España en Colombia), veñen de ser recoñecidos polas fundacións Humanizar la Tierra e Mundo sin Guerra y sin Violencia coa Placa Universal da Paz e a non Violencia, un recoñecemento que se entrega a aquelas institucións, a nivel mundial, que se “distinguen pola súa constante actividade a prol do ideal supremo da Paz”.

Trátase dun recoñecemento á rede de mediación escolar Xesús R. Jares, promovida dende o CCEE Reyes Católicos en Colombia e dende o IES Carlos Casares de Viana do Bolo. Desde 2012, liderado polo anterior rector Luis Fernández López, o CCEE Reyes Católicos impulsou en Colombia e outros países da rexión (Costa Rica, México, Ecuador, Bolivia) a Escola de Mediación Xesús Rodríguez Jares, formando dende o voluntariado a xoves, docentes e familias de colexios e universidades como mediadores de Paz, de xeito que a nova sociedade se responsabilice e teña as ferramentas para a resolución pacífica dos seus conflitos.

O actual rector do CCEE Reyes Católicos, Julio Manuel Pérez Fraile, recibirá a placa na Case del Valle de Bogotá, o vindeiro sábado 1 de setembro de 2018.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies