Un grupo de 58 estudantes do IES Maceda, acompañados por profesores, participaban o 21 de marzo no programa EDUEMPRENDE ATRÉVETE, que promove a Asociación de Empresarios do Polígono de San Cibrao das Viñas en colaboración coa Consellería de Cultura, Educación e Ordenación Universitaria.
Primeiro visitaban a Aula de Emprendimiento da citada entidade empresarial, un servizo pionero que se estrutura en oito áreas e que permite familiarizarse con diferentes aspectos da actividade empresarial, como é o caso das canales de proveedores e clientes, a fabricación, os puntos de venta, os recursos humanos ou a financiación, entre outros.
De seguido, os estudantes foron recibidos polo xerente da empresa Posada Marrón Glacé, cuxas instalacións están na rúa 6 do Polígono de San Cibrao. Alí recibiron explicacións sobre o proceso de transformación da castaña e sobre a diversificación e o carácter innovador desta empresa ourensá na súa permanente búsqueda de valor engadido para un dos produtos que mellor sintetiza a historia, o presente e o futuro da gastronomía desta provincia.
Foto: cedida pola Asociación de Empresarios do Polígono de San Cibrao das Viñas