Publicidade
CulturaCulturaEducaciónÚltima horaVídeos

O IES Martaguisela do Barco fomenta a creatividade literaria no marco do Día do Libro

A través das redes sociais e da aula virtual do instituto, quen o desexe pode compartir as súas aportacións

 

Malia as circunstancias, no IES Martaguisela do Barco de Valdeorras non quixeron deixar de celebrar este ano tamén o Día do Libro, 23 de abril. Por iso, e botando man das novas tecnoloxías, dende o Departamento de Lingua Castelá e Literatura propuxeron unha iniciativa audiovisual a través da aula virtual e tamén das redes sociais para que, ao longo de toda esta semana e tamén parte da que vén, quen queira comparta as súas aportacións.

A idea é “inundar a rede das vosas lecturas favoritas, das vosas creacións”, din na proposta, feita a través dun vídeo. Que cada alumno e profesor comparta as súas aportacións: recomendacións musicais para poñer banda sonora a esta semana; elixir un fragmento do libro favorito (de teatro, narrativa, prosa,…); versos propios; unha audiolectura. Tamén se poden compartir caligramas, videopoemas, textos propios,…

As posibilidades son infinitas e a acollida da proposta moi boa, segundo a xefa do departamento, Manuela Álvarez, quen recoñece que a idea xurdía hai apenas uns días “dunha tarde de loucura entre os compañeiros, para intentar sacar algo deste confinamento, aproveitando as novas tecnoloxías que tivemos que actualizar case á forza”, recoñece, asegurando que os alumnos están respondendo moi ben.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close