O IEV programa varias actividades culturais en Valdeorras

Visita guiada aos museos do Paladium para o sábado 26 de abril

Dende o fomento da lectura ata a homenaxe aos “Escarbadores, O IEV programa tres actividades para os vindeiros días. A primeira terá lugar hoxe mércores 23 de abril con motivo do Día Internacional do Libro. Lugares públicos como bancos, prazas, a estación de tren e a de autobuses, serán os lugares nos que “liberaremos 60 libros de fondos editoriais do Instituto con temas de poesía e historia para que cheguen á poboación de forma totalmente gratuíta” explica o presidente do IEV Aurelio Blanco.

A seguinte actividade está prevista para o sábado 26 de abril. Trátase dunha visita guiada polos Museos do Paladium: o exterior, o da radio e o das artes gráficas. O lugar de encontro será o cruceiro do complexo hostaleiro ás 12:15h. e a visita terá unha duración aproximada de 1 hora e 15 minutos.

Dende o IEV tamén están traballando nunha homenaxe aos “Escarbadores” aínda pendende de data, que consistirá nunha exposición de fotografías e obxectos “deste grupo de voluntarios que conseguiron importantes descrubrimentos das épocas prerromana e romana”. Tamén haberá un pase de diapositivas e conferencia no segundo andar do Casino do Barco de Valdeorras.

Fotos: Carlos G. Hervella

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies