Un total de 23 relatos concurrían á segunda edición do Concurso de Microrrelatos “Un magosto literario” que convocaba neste outono o Concello da Pobra de Trives. Despois de ler este conxunto de traballos, o xurado acordaba diferenciar as obras en dous bloques segundo franxas de idade: por unha banda os escritores por autores de 12 a 17 e, pola outra os de 17 anos en adiante.
Deste xeito, resultaban finalistas e ganadoras este ano cun premio de 100 euros máis un lote de libros cada unha: Alexandra Sierra Rioz na categoría de 12 a 17 anos por “Diario de Outubro” e “A cantiga da montaña” de Ana García Earley na categoría de 17 anos en adiante.
Os premios serán entregados na tarde do sábado 10 de novembro durante os festexos do Magosto, a partires das 4 no Patio Santa Leonor. Dende o Concello de Trives felicítase ás galardoadas e destácase que é “marabilloso ver o éxito acadado pouco a pouco subindo da edición pasada de 9 a 23 obras presentadas neste 2018, e de moi bo nivel todas elas”. Asemade agradécese o labor do xurado “que estivo deliberando consecuentemente todas e cada unha das decisións tomadas para o seu veredicto final valorando moi positivamente a importancia deste tipo de concursos”.
Os relatos premiados poden lerse no seguinte enlace:
https://www.facebook.com/concellodapobradetrives/