Trae o seu espectáculo “Momentos de Asombro” ao Parque dos Patos, a partires das 21 horas
O verán continúa no Concello de Barbadás e o departamento de Cultura segue organizando actividades para completar o lecer estival a través do programa “E no verán?… Refréscate coa cultura”. Neste caso, a cita será co ilusionista Martín Camiña, que trae o seu espectáculo “Momentos de Asombro” o xoves 1 de setembro ao Parque dos Patos. Será a partires das 21 horas.