O incendio forestal de Santigoso (O Barco), que está controlado, queimou 121 has

O lume iniciábase con dous focos “o que amosa a clara intencionalidade” do mesmo, segundo Medio Rural. Producíanse outros dous incendios na provincia, un en Chandrexa de Queixa e outro en Calvos de Randín, que afectou ao Parque Natural do Xurés, ambos están xa extinguidos

Imaxe incendio de Santigoso (O Barco)./ Foto: Carlos G. Hervella.

 

O incendio forestal que se producía ás 20:45 h. de onte, martes 26 de marzo, no concello do Barco de Valdeorras, na parroquia de Santigoso, lograba estabilizarse ás 12:20h. desta mañá de 27 de marzo. Xa ás 15:27h. quedaba controlado.

Este lume iniciábase con dous focos, “o que amosa a clara intencionalidade”, e segundo as últimas estimacións feitas públicas pola Consellería do Medio Rural afecta unha superficie de 121 hectáreas, das cales 11 son de monte arborado e 110 de monte raso. “Este cálculo é aproximado ata que se extinga o incendio”. Nel están traballando 2 técnicos, 10 axentes, 12 brigadas, 5 motobombas, 1 helicóptero e 4 avións.

Outros dous lumes na provincia: en Chandrexa de Queixa e no Parque N. do Xurés

O incendio do concello ourensán de Chandrexa de Queixa, parroquia de Parada Seca, que comezaba onte ás 22:35 h. quedou extinguido ás 19:28 h desta tarde. Segundo as últimas estimacións afectou 70 hectáreas de monte raso. Para a súa extinción mobilizáronse 4 axentes, 6 brigadas, 2 motobombas, 1 helicóptero e 1 avión.

Extinguido tamén quedaba ás 16:29 h. o lume do concello ourensán de Calvos de Randín, parroquia de Randín, que entrou por Portugal ás 3:40 h. desta madrugada. Segundo as últimas estimacións, a superficie afectada foi de 7 hectáreas de arborado dentro do parque natural do Xurés, o resto está en territorio portugués. Na súa extinción traballaron 4 axentes, 5 brigadas, 3 motobombas e 2 helicópteros.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies