Lixeiros cambios nas cifras de positivos de coronavirus en centros educativos da parte oriental da provincia de Ourense, segundo os datos comunicados neste 29 de outubro pola Xunta. Así, o IES Xermán Ancochea de Trives rexistra un novo caso e suma un total de 2 positivos.
Por outra banda, o CEIP Ramón Otero Pedrayo quédase con 1 positivo (1 menos que onte), mentres se repiten os mesmos datos no resto de centros barquenses: a Escola Infantil Los Juglares mantén 3 positivos, o CEIP Julio Gurriarán 1, o IES Lauro Olmo 1 e o IES Martaguisela 2.
Tamén continúa cun positivo o CEIP do Bolo e con outro o CEIP Xosé Manuel Folla Respino de Vilamartín. Isto supón un total de 10 positivos en Valdeorras.
Ademais o IES Carlos Casares de Viana do Bolo desaparece do listado.
Por outra banda, no veciño concello de Quiroga, xa na provincia de Lugo, o seu instituto continúa cun positivo.