O investigador vianés Pedro Basalo falará en Pontevedra da historia do Boteiro

Participará nunhas xornadas sobre o Entroido que se celebrarán os días 15 e 16 de marzo e nas que tamén estará como relator o estudoso verinés Xerardo Dasairas

O vianés Pedro Basalo./ Foto: Carlos G. Hervella.

 

Nun dos referentes do Entrudio de Viana do Bolo porá o foco o investigador vianés Pedro Basalo nun relatorio que impartirá o vindeiro 15 de marzo en Pontevedra no marco das “VII Xornadas sobre o Entroido de Galiza”, que organizará a Sociedade Antropolóxica Galega (SAGA). Basalo falará sobre a “Historia recente do boteiro de Viana do Bolo” nunha conferencia prevista para ás 19h. no Centro de Interpretación Torres Arcebispas.

 

Xerardo Dasairas./ Foto: Carlos G. Hervella.

Xusto despois, terá lugar a intervención doutro estudoso do Entroido galego, o verinés Xerardo Dasairas, quen se centrará nas máscaras do Entroido ourensán. As xornadas continuarán o sábado 16 de marzo coa conferencia “A recuperación do Entroido de Samede” de Emilia Cagiao ás 18:45h. e logo coa de Patricia Cordeiro, quen abordará o “Carnaval de Podence: de ritual comunitario a icona nacional”.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies