A Federación Galega de Piragüismo ultima os detalles da gala na que outorgará os seus galardóns da tempada do 2014. Entre haberá varios que reacerán na provincia de Ourense. Destacan os que conseguirá o Club Fluvial O Barco. Así o 48 Descenso do Sil vén de ser recoñecido como a regata mellor organizada do 2014 en Galicia. Ademais a destacada andaina deportiva do padexeiro barquense Jesús Rodríguez León será distinguida co premio á mellor traxectoria deportiva.
Ademais recibirán diplomas varios piragüistas do Club Fluvial Barco que teñen participado en probas internacionais: Bernardo Sánchez Ouro, Miguel Anxo González Carrera, Francisco Vázquez Redondo e Jesús Rodríguez León.E a isto hai que sumarlle os títulos colleitados polo club valdeorrés nesta tempada: proclamouse campión da Copa Galega de Descenso de augas bravas e a de terceiro na liga provincial de piragüismo.
Outros galardoaos ourensáns son os equipos de piragüismo de Allariz e Avión, que van a recibir os trofeos que os acreditan como campeón e subcampión da Copa Deputación 2014.
