O laboratorio da Comisaría de Aguas de Ourense terá estudantes en prácticas

O CIFP A Carballeira-Marcos Valcárcel de Ourense seleccionará aos becarios de entre os que finalizaran o ciclo de grao superior de Saúde Ambiental
Autoridades presentes na sinatura do convenio entre a CHMS e a consellería.

Autoridades presentes na sinatura do convenio entre a CHMS e a consellería.

O presidente da Confederación Hidrográfica Miño-Sil (CHMS), Francisco Marín Muñoz, e o conselleiro de Cultura, Educación e Ordenación Universitaria, Xesús Vázquez Abad, asinaban o 17 de xuño un convenio de colaboración que permitirá que dous titulados de Formación Profesional realizarán prácticas nas instalación desta entidade na Comisaría de Augas de Ourense.

O CIFP A Carballeira-Marcos Valcárcel escollerá aos bolseiros de entre os que finalizaran no curso 12/13 o ciclo de grao superior de Saúde Ambiental. O período de prácticas durará un ano, e será remunerado a través dun sistema de bolsas, polo que os beneficiarios non suplirán en ningún caso a ningún traballador no Laboratorio de Análise e Calidade das Augas da devandita Comisaría.

A CHMS aportará 20.000 euros á consellería para a convocatoria destas 2 bolsas de formación, que serán xestionadas a través do CIFP A Carballeira-Marcos Valcárcel. Nesa liña, o conselleiro agradeceu a colaboración da confederación e o seu interese en participar na formación de expertos en materia ambiental.

“A idea dunha formación de calidade é a clave na consecución de profesionais cualificados que poidan desenvolver o seu labor con rigor e profesionalidade, por iso, desdeo organismo que presido, noa últimos anos recibimos alumnos en prácticas para períodos de 3 meses, ampliando agora este periodo a 1 ano, co ánimo de continuar e mellorar nesta liña”, engadía Francisco Marín.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies