CulturaCulturaÚltima hora

O libro-disco sobre a vida e obra de Magín Blanco presentarase este venres na Rúa

O acto comezará ás 20 horas no Centro Cultural Avenida e contará coa presenza do autor e do protagonista da obra

O músico rues Magín Blanco.

 

Magín Blanco, natural da Rúa, é un músico de longa traxectoria. A súa carreira musical comezou nos anos 80 co grupo La Rosa, formación da que foi líder indiscutible e coa que publicou varios discos 1988 e 1995. Desde o 2006, lanza tres traballos en solitario e nos últimos anos foi abandonando o panorama discográfico dos adultos para centrarse na música infantil. Unha traxectoria que Carlos Rego plasmou nun libro titulado Magín Blanco, O Camiño da Luz que será presentado este venres, 17 de xaneiro no Centro Cultural Avenida da Rúa.

Este traballo recolle o relato da existencia de Magín Blanco en pequenos refachos e o do seu periplo musical con todo detalle, facendo fincapé nas condicións nas que este músico valdeorrés crea e converte en marabillas poéticas de gran calado emocional as súas composicións a partir da materia prima que o rodea.

No acto de presentación do libro, publicado por Edicións Embora e que inclúe un CD (O Camiño da luz, 1985-2019, Magín Blanco) estarán presentes o autor e mailo protagonista.

 

CD que inclúe o libro sobre Magín Blanco.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close