DeportesÚltima hora

O loitador José Andreas López (Graíño Team O Barco) consegue o ouro no campionato galego de MMA

Tamén se facía coa medalla de bronce na modalidade de Grappling, na proba disputada na Coruña

 

Ata tres trofeos lograba neste mes o loitador José Andreas López “Andi”, membro do Graíño Team O Barco. O primeiro conseguíao no Torneo León X-Treme Fights celebrado o día 9, onde se proclamaba campión na modalidade MMA na categoría -70,3 kg.

Os outros dous chegábanlle nesta fin de semana (16 de novemebro) no campionato galego de Grappling e MMA celebrado no pavillón Lavañou da Coruña. Alí, Andi subía ao alto do podio coa medalla de ouro na modalidade de MMA e ao terceiro caixón do podio co bronce na categoría -71 kg en Grappling.

Malia o pouco tempo que leva adestrando nestas dúas modalidades de contacto, estas medallas reflicten a “boa traxectoria do loitador do Graíño”, asegura o adestrador Luis Pardo Bravo, adiantando que os próximos retos para o xove púxil serán o mítico Invictus de San Sebastián o 14 de decembro; e o campionato de España que se celebrará en Murcia o 1 de febreiro de 2020.

As imaxes da galería son do campionato galego de MMA e Grappling mentres que as que aparecen baixo estas liñas corresponden ao Torneo León X-Treme Fights.

 

Un momento do combate de Andi no León X-Treme Fights.

 

José Andreas López proclamouse campión do torneo en MMA -70,3 kg.

 

Membros do Graíño Team O Barco.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close