Despois de máis de 50.000 test realizados, mañá 28 de febreiro, Luns de Entroido, péchanse os puntos de cribado fixos abertos dende o Nadal na Área Sanitaria de Ourense, Verín e O Barco de Valdeorras.
Tal como explican dende o Sergas, o centro de vacinación masiva en Expourense deixará esta función para voltar a ser centro de mostras e exposicións, unha vez remate a vacinación infantil, á espera das novas estratexias de vacinación, realizando as sucesivas repescas nos hospitais públicos de Ourense, Verín e O Barco de Valdeorras.
