ConcellosÚltima hora

O Mago Teto estrea espectáculo na III edición de Terra Máxica

Viana e A Rúa son dous dos seis concellos nos que se desenvolverá o festival, entre o 16 de marzo e o 22 de abril
O Mago Teto en Alquimia.

Por terceiro ano consecutivo, Terra Máxica achegará ata a provincia de Ourense, os mellores espectáculos de ilusionismo.

A terceira edición do festival desenvolverase entre o 16 de marzo e o 22 de abril en seis concellos: Allariz, A Rúa, Baños de Molgas, Barbadás, Verín e Viana. Un programa de seis espectáculos, nacido da colaboración en rede dos concellos, que achega ilusionismo, formación e diversión a todos os públicos.

Nesta ocasión, os asistentes poderán gozar dos espectáculos Saaabor! de Culturactiva, Alquimia e Íntimo do Mago Teto, Mi abuelo es mago de Mundomandarina, Sen palabras do Mago mimo Anyo e Código de Dani García. Un gran programa con dous estreas para non perderse: Alquimia e Saabor!

Ademais dos espectáculos, o programa inclúe charlas. Esta terceira edición comeza este venres 16 de marzo en Allariz coa conferencia-espectáculo A incrible historia da máxia do Mago Teto.

 

Artigos relacionados

Back to top button