O medio rural, a innovación e as novas tecnoloxías

O mundo agrario como modelo de desenvolvemento sostible, no Congreso celebrado en Allariz
Inauguración do congreso celebrado en Allariz.

Inauguración do congreso celebrado en Allariz.

Público asisente ao congreso.

Público asisente ao congreso.

O congreso “Medio Rural, Innovación e Novas Tecnoloxías” encadrado no Proxecto de Cooperación Interterritorial GEOPUEBLOS (do que forman parte sete grupos de desenvolvemento rural do estado), botaba a andar na mañá do 9 de outubro no salón de actos do Fogar do Maior en Allariz. E facíao coa presenza do subdelegado do Goberno en Ourense, Roberto Castro, quen asegurou que “o mantemento do medio rural soamente é posible si damos a coñecer e promocionamos o potencial que os nosos pobos posúen”.

A iniciativa sobre a que se debateu en Allariz, nace co “obxectivo de fomentar o coñecemento do territorio que nos sostén e a valorización dos seus recursos” explican dende a subdelegación do Goberno, no caso galego, o do territorio AVINZA GDR 15, dez concellos da provincia de Ourense (A Bola, Allariz, Baños de Molgas, Maceda, Taboadela, Paderne de Allariz, Rairiz de Veiga, Xunqueira de Ambía, Xunqueira de Espadanedo e Vilar de Santos). Para iso desenvolveuse unha plataforma interactiva na que aparecen xeolocalizados, así como unha breve descrición do patrimonio, hostalería, hospedaxes e proxectos innovadores do entorno.

Dentro da plataforma, deseñouse asemade un xogo infantil interactivo “O código Segredo” co obxectivo de transmitir dende a infancia a riqueza natural, patrimonial e cultural do territorio AVINZA GDR 15 e dos seis grupos participantes.

Durante a súa intervención, Castro sinalou tamén que “unha das ferramentas que deben contribuír á difusión das bondades e produtos do noso campo debe ser a aplicación das novas tecnoloxías, nun mundo actual interrelacionado e globalizado”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies