Publicidade
Concellos

O Memorial Anxo De Sousa Pérez da Rúa, recadará fondos para a Fundación Andrea

A terceira edición da andaina ata o Barranco Rubio celebrarase o sábado 31 de marzo
A irmá de Anxo, o concelleiro de Deportes da Rúa, a nai e a madriña de Anxo, na presentación./ Foto: Mónica G. Bellver.

Hai uns anos, o xove Anxo falecía vítima dunha dura e longa enfermidade. Durante o tempo que estivo ingresado en Santiago, tanto o enfermo como a súa familia recibiron a inestimable axuda da Fundación Andrea, entidade sen ánimo de lucro que ten como finalidade a atención e o apoio tanto económico, moral como informativo ás familias que, contando con escasos recursos económicos teñan que coidar aos seus fillos con enfermidades de longa duración, crónicas ou terminais, e que este ano levan axudado a unhas 300 familias.

Tal é o agradecemento da familia de Anxo para con esta fundación que dende hai tres anos, celébrase na Rúa unha andaina solidaria para lembrar ao mozo e recadar fondos para que a entidade poida seguir axudando a tanta xente que o necesita. Así o aseguraba a nai de Anxo, Mª Teresa Pérez, na presentación do III Memorial Anxo De Sousa Pérez que se celebrará o 31 de marzo.

Na presentación tamén estiveron a irmá de Anxo, Noelia De Sousa e a prima e madriña do neno, Verónica Pérez, ademais do concelleiro de Deportes da Rúa Avelino Fernández quen amosou o apoio do Concello da Rúa ao evento solidario.

Igual que nas anteriores edicións, quen desexe participar poderá facelo andando, en bicicleta ou en moto con saída ás 16h. dende a praza de Fontei ata o Miradoiro do Barranco Rubio onde está o monumento adicado a Anxo. A distancia aproximada é duns 5km de subida e outros 5 de baixada e de regreso ao punto de partida, sortearanse entre os participantes, agasallos donados por distintos establecementos e persoas particulares “temos máis de 150 colaboradores aos que lles damos as grazas”, dixo Noelia, asegurando que cada vez son máis.

A inscrición é de 10 euros e está aberta a todas as idades, podendo realizarse de dúas formas. Unha, por transferencia bancaria ao seguinte número de conta: IBAN ES10 2080 0405 4230 4003 0236 cubrindo o formulario en https://docs.google.com/forms/d/e/1FAIpQLSfVYWNNjwckluydoZAdgm_b65dzrXX9FOWyRH6qO8316g76ZA/viewform?c=0&w=1. A outra, realizando o pago en Librería Lipor (A Rúa) e tendas Tri-sport (A Rúa e O Barco). A día de hoxe, a unha semana para a data, xa teñen uns 170 inscritos. Tamén hai fila 0 para que queira colaborar economicamente sen partipar na andaina.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close