ConcellosÚltima hora

O Mercaberto celebrará a súa décima edición o 24 de agosto no Malecón do Barco

Nesta mostra de oportunidades, que promove O Barco Centro Comercial Aberto, participarán 13 establecementos valdeorreses de diferentes sectores

 

Un dos momentos da presentación do X Mercaberto.

O comercio volve saír á rúa no verán barquense. O vindeiro 24 de agosto o Mercaberto cumprirá unha década. “É unha edición especial posto que son xa dez anos os que dende o Centro Comercial Aberto (CCA), en colaboración co Concello do Barco, vimos organizando este mercado de oportunidades”, explicaba a presidenta do CCA, Sandra Moldes, na presentación desta mostra na mañá do 16 de agosto.

Desta volta serán trece os postos (de sectores que van dende a alimentación ao textil, zapatería ou complementos) que poderán visitarse no seu recinto feiral que, novamente voltará a instalarse no Malecón do Barco cun horario ininterrumpido de 11h. a 23h. Así os establecementos participantes serán: Librería Murciego, Can-Can. Novedades Maribel, D’Chus, A Casiña, Baamonde O Barco, Crash, Nº 37, Costuritas, A Manduca, Fíos Moda, Cool Balea e Okre.

 

Na presentación participaban a presidenta do Barco CCA, Sandra Moldes, a súa vicepresidenta, Ángeles Rodríguez, e o colaboador Luis Enrique Rodríguez “Coquixo”.

“Mercaberto é unha feira de grandes oportunidades na que os comercios participantes teñen a posibilidade de promocionarse e vender os seus produtos dunha maneira diferente e no que, ademais, aproveitando que se achega o final do período de rebaixas, ofrecen grandes descontos”, comentaba Sandra Moldes, que comparecía ante os medios acompañada pola vicepresidenta do CCA, Ángeles Rodríguez, e do colaborador Luis Enrique Rodríguez “Coquixo”.

Ao longo da xornada do 24 de agosto o recinto feiral tamén acollerá diversas propostas para nenos e maiores. “Programamos unha serie de actividades infantís que ocuparán gran parte da xornada para que os máis pequenos da casa poidan desfrutar mentres os maiores buscan e mercan aquilo que necesitan entre os diferentes postos”, matizaba Ángeles Rodríguez.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close