O casco histórico de Allariz acollerá o vindeiro 13 de setembro, de 11:00h a 20:00h, o Mercado de Artesanía “Arte de Man”. Organizado pola Área de Promoción Económica do Concello, o evento acollerá un obradoiro de artesáns de diversos ámbitos tales como artes plásticas, xoiería, vidrería, téxtil, bixutería, coiro ou madeira. Trátase dunha iniciativa local que busca a mostra e dinamización da artesanía allaricense así como doutros artesáns galegos e convidados.
Con motivo da feira, a organización publica as bases para participar nesta edición e abre o seu prazo de inscrición, que será entre 3 e o 24 de xullo de 2020, ambos inclusive. Poderán participar artesáns cuxa produción sexa “artesanal e de elaboración propia”. Técnicas de Promoción Económica xunto con artesáns e artesás de Allariz serán os encargados de seleccionar ós participantes atendendo a criterios de calidade e orixinalidade e dando prioridade a aqueles que poidan mostrar o seu oficio en vivo durante a celebración do mercado.
Os artesáns que desexen inscribirse nesta edición de Arte de Man poderán facelo a través da páxina web.
