O Ministerio de Agricultura e Pesca, Alimentación e Medio Ambiente anunciou a licitación do contrato de servizos de enxeñaría para redactar o proxecto que finalice o saneamento da auga do río Barbaña, mellora da Estación Depuradora de Augas Residuais ( EDAR) de San Cibrao das Viñas, fase II. Esta licitación ten un orzamento base de 501.700 euros e un prazo de execución de 14 meses.
O obxectivo desta actuación é dotar á EDAR existente do tratamento necesario para cumprir cos obxectivos marcados pola Directiva 91/271/CEE en canto a verquido da zona sensible e conseguir, asimesmo, alcanzar o bo estado ecolóxico e químico do río Barbaña, tal e como está contemplado no Plan Hidrolóxico da Demarcación do Miño-Sil.
Para elo, é necesaria a redacción dun proxecto para dimensionar e deseñar as remodelacións necesarias dentro da EDAR existente.
A actuación de San Cibrao das Viñas como proxecto de finalización do saneamento do río Barbaña foi declarado de “interese xeral do Estado” na lei 22/1997, do 8 de xuño, polo que se declaran de interese xeral determinadas obras hidráulicas como as de “Mellora do saneamento de Ourense”.
