As proxeccións terán lugar os días 8, 10, 15 e 16 de xullo
A oitava edición do ciclo de cinema “Marxes Fílmicas” terá lugar no patio do Museo Etnolóxico de Ribadavia os días 8, 10, 15 e 16 de xullo. Esta actividade é en colaboración co Cineclube Padre Feijóo, encargado da selección, xestión e proxección dos filmes. As longometraxes serán en versión orixinal e a entrada será de balde ata completar aforo.
O obxectivo é “explorar un pouco o norte do continente africano, viaxando polo cinema de Tunisia da última década, ese pequeno país con pouco máis de 10 millóns de habitantes que segue tentando actualizar o seu camiño de progreso no social e no político.”
Así, este ciclo comezará o vindeiro luns día 8 ás 22:00h. coa proxección de “Le Challat de Tunis” (Tunisia, 2014) e proseguirá o mércores 10 de xullo á mesma hora con “Heidi” (Tunisia-Francia-Bélxica, 2016). A seguinte semana proxectarase “Vent du nord” (Tunisia-Francia, 2017), e “La belle et le meute (Francia-Líbano-Noruega-Qatar-Suecia-Suíza-Tunisia, 2017), o luns e o mércores respectivamente.
