Publicidade
OurenseÚltima hora

O novo Complexo de Monterei contará cunha zona deportiva e unha zona acuática

As obras da zona deportiva comezarán neste primeiro trimestre do ano e tamén se ampliará a cuberta da pista de atletismo

 

O Complexo Deportivo de Monterrei acollía na mañá do 10 de xaneiro a presentación por parte do secretario xeral para o Deporte, José Ramón Lete Lasa, do proxecto de reforma da infraestrutura que contará cunha zona deportiva e unha zona acuática como dúas partes diferenciadas e independentes. O orzamento total da actuación rondará os 10 millóns de euros e será cofinanciado ao 50% entre Xuntade Galicia e Deputación de Ourense.

No que respecta á zona deportiva, esta será un espazo novo no que se construirá unha pista polideportiva descuberta, unha pista de tenis cuberta e outra descuberta, dúas pistas de pádel cubertas e outras dúas descubertas, realizarase a ampliación da cuberta da pista de atletismo e executarase unha instalación dun pump track indoor. A realización deste espazo para bicicleta BTT e deportes urbanos, similar ao de Maceda, débese ao seu potencial para a formación técnica de nenos e nenas, así como á excepcional marcha do ciclismo galego, nomeadamente do ciclocross que conta con nomes de grandes deportistas como os de Pablo Rodríguez, Iván Feijóo ou Carlos Canal e outros que veñen por detrás como Irene Trabazo, Adrián Barros ou Noela Saa.

As obras desta primeira fase comezarán no primeiro trimestre dexste ano para que estean finalizadas no verán. A dotación total da fase da zona deportiva será de 1.022.866,17 euros.

No que atinxe á parte acuática, a redacción do proxecto sairá a concurso nos vindeiros meses e constará de tres fases diferenciadas: a piscina familiar, a piscina infantil e os tobogáns de adrenalina. Os prazos de actuación indican que a zona acuática estará completamente rematada antes do verán de 2023. O orzamento alcanzará os 8.809.566,35 euros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close