CulturaCulturaÚltima hora

O obradoiro de crecemento persoal de InCrescendo Colectivo chega ao Barco de Valdeorras

“2020 á medida” celebrarase en Por las ramas Estudio o 29 de xaneiro e o 5 de febreiro ás 20 horas

 

Despois de celebrarse con éxito en concellos como Larouco, Petín, Quiroga e A Rúa, “2020 á medida” chega ao Barco de Valdeorras.

Trátase dun obradoiro de crecemento persoal, impartido por Laura Fernández de InCrescendo Colectivo, dirixido a “calquera persoa desexosa de sacarlle o máximo partido ao ano que vimos de estrear, grazas a unha serie de técnicas sinxelas de motivación e xestión de obxectivos”, explica Laura, engadindo que parte do éxito da convocatoria “radica na curiosidade e nas ganas de seguir medrando a calquera idade, así coma no formato de grupo reducido que facilita a introspección nun ambiente de plena confianza”.  De feito, os participantes destacan “a importancia de asistir a este tipo de obradoiros para coñecerse mellor ou crer no noso potencial para facer realidade os nosos soños, así coma a necesidade de ollar ao noso mundo interior e identificar as nosas emocións nun espazo diferente, lonxe do estrés cotián”.

 

Por las Ramas Estudio. /Foto: Carlos G. Hervella.

 

A actividade, dividida en dúas sesións de unha hora e media e cun aforo máximo de 10 persoas, celebrarase os días 29 de xaneiro e 5 de febreiro en Por las ramas Estudio (Academia Dequidt, 4, O Barco). Este espazo multidisciplinar recentemente aberto ao público “promove precisamente a creatividade coma ingrediente indispensable para enriquecer a nosa vida”, explica Laura, puntualizando que neste caso, “o obradoiro está concebido case coma unha experiencia sensorial onde se convidará aos/ás participantes a moldear o seu pasado, presente e futuro coas súas propias mans”.

Con esta maridaxe, InCrescendo Colectivo e Por las ramas Estudio brindan a Valdeorras unha oferta de lecer “pioneira na comarca, cada vez máis presente en entornos urbanos con contrastados beneficios para o noso benestar e que, proximamente, incluirá tamén obradoiros de educación emocional para o público infantil”.

As persoas interesadas poden reservar a súa praza (2 sesións) a través de laura@increscendo.gal e tamén en Por las Ramas Estudio. O prezo da actividade é de15 euros.

“2020 á medida” vense celebrando desde decembro de 2019 e ademais do Barco, está previsto que se celebre tamén na Veiga no vindeiro mes de febreiro.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close