O Orfeón Valdeorrés conquista Porto (Portugal)

Vén de participar no VII Encontro de Coros de Paranhos convidado polo Orfeão da cidade lusa

O Orfeón Valdeorrés en Porto (Portugal).

Encantado. Así volvía o Orfeón Valdeorrés da súa viaxe a Portugal para participar no Encontro de Coros de Paranhos celebrado o sábado 19 de xaneiro no Auditorio da Junta de Freguesa. “O recibimento por parte dos anfitrións foi espectacular. Foron a recollernos, acompañáronnos pola cidade, leváronnos a cear,… Foi unha marabilla”, di o presidente do Orfeón José Luis Folla, asegurando que iniciaron unha boa relación co coro portugués ao que convidarán a vir ao Barco de Valdeorras.

Con respecto á actuación, dirixidos por José Ramón Mansilla foron os encargados de pechar o concerto, cantando despois do propio Orfeão de Paranhos e do Orfeão Silve do Algarve, e interpretaron sete temas: O sombreiro de palla (vilancico), Lela, Foliada das olas, My way, Alma llanera, Sin ti (tango) e Canção do mar. Esta última, unha canción portuguesa coa que quixeron sorprender aos anfitrións xa que “no sabían que a iamos cantar e gustou moito”, di o presidente. De feito, unha das asistentes felicitábaos pola súa actuación no Porto: “Foi sublime! Grazas pola súa arte”, comentaba a través do Facebook.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies