O Orfeón Valdeorrés triunfa no XVII Certame de Habaneras de Cee (A Coruña)

Participou no festival xunto á Polifónica de Barro e á coral Costa da Morte

En abril foi un dos convidados na XIII Xuntanza de Corais “Cancións do Mundo” en Vigo, en xuño participaron no V Encontro de Corais de Quiroga e en agosto no XVII Certame de Habaneras de Cee. O Orfeón Valdeorrés vai pouco a poco desenvolvendo o programa de actuacións previstas nestes meses, antes do 40 aniversario que celebrarán o vindeiro ano por todo o alto.

A última cita levábaos o 5 de agosto ata o concello de Cee (A Coruña) para participar xunto a outras dúas corais, nunha nova edición do Certame de Habaneras, unha das súas especialidades, que se celebraba na Casa da Cultura da localidade coruñesa.

A primeira en actuar era a Polifónica de Barro, de seguido tocoulles o turno aos valdeorreses que interpretearon tres habaneras (Rosina, Con sabor tropical e Melodías antillanas) e dous temas libres (A solas tú y yo e Los nardos), para rematar coa actuación dos anfitrións, a coral Costa da Morte de Cee.

Tal como explica o presidente do Orfeón, José Luis Folla, malia a duración (de 21 a 22:30h.) houbo unha gran afluenza de público xa que foi un festival “de moito nivel” no que os valdeorreses volveron triunfar cunha actuación “moi aplaudida por todos os presentes”, conclúe José Luis.

Fotos cedidas.

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies