Publicidade
ConcellosÚltima hora

O orzamento do Barco rozará os 10 millóns de euros

Os presupostos para o 2020 serán sometidos a aprobación do pleno da vindeira semana

O alcalde do Barco, Alfredo García./ Foto: A.R.

Na vindeira semana a Corporación barquense celebrará o seu pleno ordinario no que se someterán á votación os orzamentos do Concello para o vindeiro ano 2020. O proxecto de orzamentos que presentará o grupo de goberno ascende a 9.840.618,38 euros, “cun incremento significativo con respecto ao do 2018”, tal e como adiantaba en rolda de prensa o alcalde do Barco, Alfredo García na mañá do 12 de decembro.

Na súa intervención, o rexedor incidía especialmente no capítulo inversor. O Concello ten en marcha tres proxectos plurianuais “xa aduxicados, pero que non figuran no orzamento e que serán financiados co superávit existente. Trátase do remate da escola infantil para o que se incorporará a cantidade de 168.580 euros;  a obra de renovación do alumeado público por un importe de 999.619 euros,tendo que aportar o Concello a cantidade de 199.923 euros, e o proxecto de mellora da eficiencia enerxética no Teatro Lauro Olmo e o Conservatorio, que ten un importe de 306.854 euros, correspondéndolle ao Concello a incorporación de 145.000 euros”, tal e como se indica na memoria da alcaldía, no que a parte diso, cífrase en 634.000 euros a cantidade destinada a investimentos no vindeiro ano.

Eses investimentos destinaranse a proxectos como a urbanización de rúas, obras de mellora en parques infantís e en espazos deportivos, obras de mellora en captación de augas, mellora da pavimentación do cemiterio, etc. Dentro do orzamento sobrase tamén o capítulo de gastos de persoal con 4.905.621,84 euros, xunto co de gastos correntes que ascende a 3.778.024,44 euros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close