Publicidade
CulturaCulturaÚltima hora

O ourensán Eugenio Feijóo presenta o seu novo libro na Casa da Galicia en Madrid

Esta obra, editada por Bubok, reúne 22 “pequenas historias” que xiran en torno ás temáticas do amor, a empresa e a sociedade
Un dos momentos da presentación./ Foto: Casa de Galicia en Madrid.
Un dos momentos da presentación./ Foto: Casa de Galicia en Madrid.

“Relatos de halcones y palomas. Historias de la vida misma” é o título do novo libro do escritor e xornalista de orixe ourensá Eugenio Feijóo. Esta obra, editada por Bubok, presentábase na tarde do 2 de decembro na Delegación da Xunta de Galicia en Madrid/Casa de Galicia. Ademais do autor, neste acto interviñan o profesor Bernardino M. Hernando, o director da editorial, Sergio Mejías, e o coordinador de Actividades Culturais da Casa, Ramón Jiménez, que o fixo en representación do delegado da Xunta de Galicia en Madrid/director da Casa de Galicia, José Ramón Ónega López.

Jiménez presentaba a Eugenio Feijóo como “un madrileño que pasou a maior parte da súa nenez na aldea ourensá de Abeleda, a beiras do Sil, na fronteira con Lugo”. Ademais recordaba que o seu anterior libro tamén foi presentado na Casa e encomiaba a súa mestría como narrador. “As súas historias están magníficamente escritas, cun humor soterrado e contido que proporciona o ton xusto para lelas á distancia de seguridade exacta que se require para gozar comodamente das súas escenas”.

Público seguindo o acto./ Foto: Casa de Galicia en Madrid.
Público seguindo o acto./ Foto: Casa de Galicia en Madrid.

Neste volume Eugenio Feijóo reúne 22 “pequenas historias” nas que se narran “diferentes tipos de comportamento baixo os conceptos articuladores e xenéricos de falcóns e de pombas”, no que os primeiros adoptan a lei do máis forte e os segundos un posicionamento pacifista. Deste total de relatos, seis refírense a Galicia ou a personaxes galegos, unha constante na escrita deste autor.

Estas historias (boa parte delas baseadas en situacións, persoas ou feitos vividos polo escritor) están agrupadas en torno a tres temáticas: amor, empresa e sociedade. “Se existe un río revolto propicio para a concentración de falcóns ese é o mundo económico, e especificamente o da empresa, pois nesa selva atopan o seu mellor caldo de cultivo”, explicaba o propio autor.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close