CulturaCulturaÚltima hora

O Outono Fotográfico convoca o VII Premio Galicia de Fotografía Contemporánea

O prazo de presentación das obras rematará o 5 de novembro e os proxectos enviaranse a través da ficha habilitada para esta convocatoria na web do OF

 

Co obxectivo de “promover novas creacións na linguaxe contemporánea da fotografía”, o Festival Outono Fotográfico, co apoio da Xunta e da Deputación de Lugo, convoca a sétima edición do Premio Galicia de Fotografía Contemporánea.

A presentación tiña lugar no Centro Galego de Arte Contemporáneo (CGAC) na mañá do 1 de outubro, por parte do director del festival galego de fotografía, Xosé Lois Vázquez e do director xeral de Políticas Culturais Anxo Lorenzo, quenes amosaron o compromiso das institucións que colanoran para que este certame constitúa unha “plataforma para dar a coñecer o talento dos e das creadoras que están empregando as linguaxes fotográficas contemporáneas para a produción do seu traballo”.

Os participantes deberán presentar un proxecto fotográfico realizado entre setembro de 2009 e setembro de 2019, que non teña sido subvencionado ou recibise unha bolsa na súa totalidade anteriormente noutro certame, nin editado na súa totalidade en calquer soporte. Respecto do tema e da técnica, ambos son libres. A este respecto Vítor Nieves, coordinador do premio e curador da exposición e Xosé Lois Vázquez, director do Outono Fotográfico e editor do libro, resaltan o obxectivo do Premio: “promover a fotografía contemporánea e as cuestións éticas que prantexa, en xeral, a arte contemporánea con respecto ás formas de dominación e a imposición de límites ao pensamiento. Promover a creación dun espazo fotográfico en Galiza que complemente ao creado durante máis de tres décadas polo Outono Fotográfico mediante o incentivo de propostas de carácter visual-fotográficas por parte de autores/as tanto nacionais como extranxeiros”.

 

O director del festival galego de fotografía, Xosé Lois Vázquez e o director xeral de Políticas Culturais Anxo Lorenzo, na presentación.

 

O Premio Galicia de Fotografía Contemporánea está dotado cun único premio que consiste na produción dunha exposición que se inaugurará en xaneiro de 2020 en Lugo e que itinerará durante dous anos polas 7 cidades galegas nas salas de Afundación, así como por Portugal e algunhas localidades do resto do Estado Español. A edición do libro co traballo gañador dentro da colección OF, completa o galardón.

O prazo de presentación das obras rematará o 5 de novembro e os proxectos enviaranse a través da ficha habilitada para esta convocatoria en www.outonofotografico.com ou por correo postal a Difusora de Letras Artes e Ideas no enderezo que se especifica nas bases do Premio, dispoñibles no mesmo enlace. Entre os proxectos que se presenten, o xurado seleccionará tres, atendendo á linguaxe visual do autor, á calidade fotográfica e á contemporaneidade, que serán os finalistas. Os seus nomes publicaranse o 12 de novembro na web e nas redes sociais do festival. O nome do gañador será designado polo xurado 48 horas despois e publicado nas referidas canles.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close