Incremento de casos activos de coronavirus na Área do PAC de Trives, que inclúe aos concellos de Manzaneda, A Pobra de Trives e San Xoán de Río. En total rexístranse 81 positivos, o que supón 19 máis que o pasado venres, segundo os datos da Consellería de Sanidade (actualizados ás 18h. de onte).
Malia que os positivos baixan en Manzaneda con 5 (3 menos que o venres) e en Trives con 23 (4 menos que o venres), no caso de San Xoán de Río aumentan de maneira notable, ao pasar dos 27 do venres aos 53 de hoxe.
