A cita deportiva será mañá, sábado 24 de novembro, de 10 a 13:30 horas
Mañá, sábado 24 de novembro, celebrarase en Viana do Bolo a 2ª xuntanza de fútbol para nen@s de 3º a 6º de Primaria das escolas dos concellos e das Anpas de Viana, A Mezquita, A Gudiña, A Veiga e O Bolo.
A actividade, organizada por Pinchacarneira Ocio e Animación, desenvolverase de 10 a 13:30h. no pavillón municipal e consistirá en varios encontros de fútbol entre as diferentes escolas.
