Ás 13:36 horas arrancaba en Monforte de Lemos a sexta etapa da ronda española. 163,2 quilómetros de percorrido que rematan en Luintra (Ribeira Sacra). Trátase dunha etapa de media montaña que atravesa os espectaculares canóns do río Sil cos 70 últimos quilómetros enlazando subidas e baixadas ata a meta. Na parte final atópase o alto de Alenza, de 2ª categoría que, sen marcar grandes diferenzasna xeral, podería romper o grupo e evitar unha chegada masiva.
Nesta galería de imaxes podemos ver ao pelotón pasando polo alto de Aldriz, en dirección a Vilar de Lor.
Fotos: Sara Fontenla.
